Tɛ̈ bï wek aguiɛr dun luɔɔy thïn bë kɔc tiiŋ puöth
|
Na ŋiɛckä aguiɛr dun cääth apath, ka loiloi ke aa tiŋ raan ëbën puöu tɛ̈ cït tɛ̈ gɛ̈th yeen. Aguir aa dhil raan ëbën lui thïn ku kɔɔc cë lui thïn ku aguir kɔ̈k tiiŋ puöth.
Aguir juëëc ë wuöt aa dhil kɔɔc kä tiiŋ puöth:
- kɔɔc leŋ kë yekä yök aguiɛɛr yic wälä lui kek aguiɛɛr
- kɔɔc amada ku wut
- kuat aguir ë kɔɔc amada/aguiɛɛr muɔɔc wëëu
- kɔɔc aguiɛɛr gäm ruktha luɔy löŋ yic
- kuat kɔɔc ye aguiɛɛr dɔ̈m wëëu wälä kɔɔc röt juaar bïk aguiɛɛr luööi
A leŋ dhɔ̈l juɛ̈ɛ̈c lëu bï aguiɛɛr kɔc tiiŋ puöth cï loiloi kun kuany yiic thïn apath ku aa lëu bë löŋ ke kuany cök. Kekëdäŋ, lööŋ ɣɛr puöu mac aguiɛr dun kek aa tɛ̈ bï löŋ kuɛ̈ny we cök nyuɔɔth. Rin bäk kɔc tiiŋ puöth, wek aa dhil kë wïc löŋ tɛ̈n week ŋic ku guiɛr kä dhɔ̈l wën ye nyuɔɔth lɔn kuɛny wek lööŋ cök ku lɔn cï wek gam bäk luui tɛ̈ cït tɛ̈ wïc löŋ yeen.
Löŋ Gɛ̈tpiny Amada
Löŋ Gɛ̈tpiny Amadac a la gɛi lɔŋ ë loiloi amadaa cë gätpiny ku akaram ye kɔc cam tɛ̈ këc kek lööŋ kuany cök apath. Löŋ kën ee tɛ̈ ye amɛtmɛɛt dït ruöön luɔɔy thïn, wɛ̈r lööŋ yiic, wɛ̈r kɔɔc mac aguiɛɛr ku wël alɔŋ wëëu ku gɛ̈tpiny tijäär kuany yic apath. Rin ku bäk ŋic lɔn cï wek lööŋ deet, dhiɛlkä we thook tuööm kek Mäktam Tjäär Alal, caathkä Löŋ wälä wiëckä wëët raan cë lööŋ kueen. Wek aa dhil laŋ dhël bï wek wël aa muk nhïïm ku dhël bï wek wël aa dhuk kɔ̈ɔ̈th rin ku bäk kä wïc löŋ tɛ̈n week tiiŋ nyïn.
Kɔɔc lui kek aguiɛɛr
Aguir ë kɔɔc lui ke yeen tiiŋ puöth a kɔɔc lui ke yeen thiëëc bïk tɛ̈ cïk yɔ̈k lon aguiɛɛr dhuk kɔ̈u ku mɛt kɔɔc tööŋ kä ë kë takic. Tɛkdä ka wek aa bë dhɔ̈l kɔ̈k bï wek kä jöör aa jääm yiic lɔŋ ë looi dhël lööŋ luɔy wälä dhɔ̈l kɔ̈k wën tɛ̈ duun ye wek luui thïn nyooth ku dhiɛlkä tääu we nhïïm lɔn cï kuat kë jöör jääm yic ku cök piny dhël aalal.
Aya, aa leŋ lööŋ ë tɛ̈ ye kɔɔc lui kek aguiɛɛr luööi thïn nyuɔɔth agut löŋ pëën atëkthok, löŋ tit raan ɣɔɔc kɔ̈u ku tiët mïth ku riënythii kɔ̈ɔ̈th. Aya, wek aa dhil kɔɔc ë bɛ̈n tɛ̈ duun luui wek thïn tïŋ apath bë ciën kë rär keek tɛ̈ duun luɔy. Aguiɛɛr yen a leŋ lon bï tɛ̈nluɔy rëër ka cïn yic kë rär raan ku wiëëc atït jäŋ.
Kɔɔc amada ku wut
Amada a bë laŋ loiloi gɛ̈ɛ̈r tënë kɔɔc amada ku kɔɔc wut ë löŋ yic cëmën lueel amat ë ruöön ku gɛ̈tgɛ̈t adhuk ë ruöön. Tɛkdä kä dhɔ̈l kɔ̈k bï wek kɔɔc wut tiiŋ puöth aa bäk bɛn tak yiic. Tɛkda ka wek aa cɔl amɛtmɛɛt ë jäŋ ye raan ëbën bɛ̈n thïn wälä luɛlkä kä ye aguiɛr dun looi tɛ̈n aguir akeunhom ë thok lueel rin bë wut kë yakä looi ŋic.
Aguir kɔc kony wëëu
Na cë aguiɛr dun wëëu dɔm tɛ̈n aguir kɔc kony wëëu, ka dhiɛlkä tääu we nhïïm bäk kuat kë wïckä tiiŋ nyin. Tɛkdä ka lëu bë yicleŋ thɛ̈ɛ̈p ë lon Amat Luɔy, gɛm adhuuk kë loi ku lëk alɔŋ wëëu, cɛɛth lon ye aguiɛr dun looi ku tɛ̈ bï wek anyuuth kuɔɔny wëëu tiiŋ nyïn thïn.
Kɔɔc cë luööi ku kɔɔc cë röt juaar
Akut määc yen a bë tɛ̈ pɛɛth ye kɔc luui thïn nyuɔɔth tënë kɔɔc cï aguiɛɛr luööi dhël lööŋ la gɛi ku ŋiɛc muöök kɔɔc cë luööi agut kɔɔc cë röt juaar.
Kɔɔc cï aguiɛɛr luööi aa dhil aguiɛɛr tiiŋ puöu. Aya, kɔɔc cë röt juaar aa ye ŋɔ̈ɔ̈th lɔn bï kek aguiɛɛr tiiŋ puöu.
Aguir ë kɔc luööi a dhil kä ŋɔ̈th tɛ̈n yeen looi löŋ akuma koor ku akuma dït yic cëmën ë löŋ pëën atëkthok, löŋ ciɛɛŋ tɛ̈nluɔy, pial guöp tɛ̈nluɔy ku löŋ alöc ë luɔy. Aya, aguiɛɛr a dhil thuparanuecon/makäpa cuat piny, cuöt atït kɔ̈u kɔɔc luɔy a dhil rëër tɛ̈ de ku akuën la cök ajuër a dhil bɛ̈ɛ̈y bei wëëu kɔɔc luɔy yiic ku tooc Mäktam Ajuër Ɣothralia.
Baai Queensland, aguiɛɛr a dhil ye nyin tääu piny bë ŋic lɔn cï kɔɔc luɔy ëbën, kɔɔc cë röt juaar ëbën ku mïthpanpiööc ë ‘luui kek mïth,’ laŋ cɛɛth wälä wïnycök bïk ŋic lɔn cïn yen kë wääc. A lëu ba yï thok tuööm kek Aguir Mïth ku Riënythii ku Adumuk Meth rin ba kɔ̈k ŋic alɔŋ löŋ kën.
Kä kɔ̈k wïc löŋ tɛ̈n week
Amada cë gätpiny, aya, aa leŋ kä kɔ̈k ye löŋ tijäär ku ajuër ku lööŋ kɔ̈k akuma koor ku akuma dït wïc tɛ̈n keek.
Löŋ amat luɔy aa luui alɔŋ kuat kë cë mat löŋ yic gɔl amat kam aguiɛɛr kek kɔɔc ke muɔɔc wëëu, jiër ɣööt, thurumbiil wälä kä kɔ̈k luɔy ɣet kä cë mat kek kɔɔc kɔ̈k wälä aguir kɔ̈k.
Tɛ̈ cït tɛ̈ rëër aguiɛr dun thïn, tɛkdä ka lëu bë akuma koor ku akuma dït dhiɛl tiiŋ puöu alɔŋ ajuër wëëu, ajuër kä path kɔ̈k ca yök, ajuër piny, ajuër kɔɔc ye dɔ̈m ku ajuër kä cë ɣɔɔc.
Na ye aguiɛr dun kɔɔc kɔ̈k juaar ku aa ce kɔɔc aguiɛɛr röt kek ye juaar, ka tɛkdä ka wek aa dhil we thook tuööm kek Mäktam Tijäär Alal bäk wël kɔ̈k deet.
Tɛkdä ka aguiɛr dun a wïc bë ye thok tuööm kek Mäktam Ajuër Authralia, Mäktam Wëëu Akuma Koor ku Mäktam Tijäär Alal wälä tuum ye thok kek raan cë lööŋ kueen ku/wälä raan cë wëëu kueen bë wël kɔ̈k juääc deet.
Lëk kɔ̈k:
- Lek ë Mäktam Tajiir Ɣɛr Puöu alɔŋ Tɛ̈ ye amada cääth thïn ku Kä ye wïc tɛ̈n amadaa cë gätpiny
- Mäktam Ajuër Ɣothralia kek Lëk tɛ̈n amadaa cï wɛ̈ɛ̈u ken ye dhiëth
- Panpiööc Dït ë Tëët Queensland a leŋ Lëk alɔŋ Lööŋ ku kä dhil looi alɔŋ wëëu (Manha caath lëk kɔ̈k tɛ̈n Mäktam Tajiir Ɣɛr Puöu ba deet lɔn ŋuɔt yen yic emën)
- Lëk ë wut ɣööt thook alɔŋ Kä ye wïc adhuk yic
- Kuɔɔny Määc Webthait (Gɛ̈tpiny a wïc):