Gɔ̈c Aguiɛɛr Wut

Posted by: Stephen Hutchison
Queensland Council of Social Service

 

 

 

Akut dun a lëu bë ya akut kɔɔc lik lui tök bïk kä wïc wuön den kony. Akut dun a cï lëu bë mäc gɛ̈tpiny rin bë jal akut wut kekädäŋ apath bäk wïc cök lɔn pɛth yen ke week bë akut dun gätpiny rin bë dït ku ŋic luui.

Gɛ̈tpiny akut a wïc luɔy ku tɛkdä ka lëu bë tɛ̈ ye wek luui thïn ke we ya akut waar, ke yeen kë tueŋ bäk kaŋ takic ee wɛ̈t lɔn pɛth yen bäk röt mat kek aguiɛɛr dɛ̈t wälä bäk ŋuɔt we lui ke we ya akut wut.

Leŋ akuut kɔ̈k loi lon yoku looi?

Baai Authralia a leŋ akuut wuöt ku aguir ka 700,000, ka yeen a lëu bë laŋ Akut cë kë wiëckä bäk looi gɔl thɛɛr. Na leŋ aguiɛɛr loi lon cït kë wïc aguiɛɛr dun bë looi, ka lëu bäk jam we keek lɔn lëu yen rot bäk mat ku yäthkä luɔn dun tueŋ ke kony week. Kën a lëu bë akuööt kun kony ëbën rin bï wek aa kɔɔc akut dïït tök leŋ ŋiëëc dït ku leŋ kä juääc kony yen wuöt kun.

Kaam këc wek gua jam kek aguir kɔ̈k, apath bäk loiloi aguiɛɛr dun deet wälä wɛ̈t gɔl akuöt dun. Dɛ̈t ë kë cɔl week aa lui tök ku wiëckä bäk lëu aa bë wɛ̈t cɔl a puɔl yic tɛ̈n week bäk ŋic lɔn thöŋ loiloi kun kek loiloi looi akut cë gɔl thɛɛr.

Tɛkdä ka lëu bäk jaai bäk röt cï mɛ̈t akut dɛ̈t kekädäŋ(?) kɔɔc abɛ̈k bïn jam ke keek aa lëu bïk yï wɛ̈ɛ̈t lɔn lëu yen rot bë aguiɛɛr dun gätpiny.

Aguir kä aa lëu bïk yï kony ba biäk akuut kɔ̈k ŋic:

  • Majaleth thääi Wuöt

    Tɛ̈nëyök
    253 Boundary Street West End Queensland 4101
    Telepun
    (07) 3844 9166

  • Wël Alɔŋ Cïɛɛŋkuötic Queensland

    Tɛ̈nëyök
    Level 5, 160 Ann Street Brisbane Queensland 4000
    Telepun
    1800 053 739 (free call)

  • Amada Latueŋ Cïɛɛŋkuötic

    Tɛ̈nëyök
    512 Stanley Street South Brisbane Queensland 4101
    Telepun
    (07) 3337 5400

Na ca thök jam kek aguir kɔ̈k, tɛkdä ka lëu ba tak ba ŋuot yï wïc wël kɔ̈k ba ŋic lɔn bï akut dun ya aguir cë gätpiny.

Wiëckä bä aguiɛɛr dun gätpiny?

Akut wun këc gätpiny, aya, a ye cɔl akut këc gätpiny. Ka we ye akut këc gätpiny, a lëu bäk loiloi kun guiir tɛ̈ cït tɛ̈ wiëckä yeen ku lööŋ mac week aa bë lïk.

Cëmën na cë raan dɛ̈t wälä aguiɛɛr akut dun juɛ̈r wëëu, ka lëu bë wëëu yäth loiloi ë kuɔɔny wut akut kɔ̈u rot. Kën a cɔl akut cïn wëëu röt juak wëëu keen luɔy nhïïm ku a cë thöŋ kek tajiir.

Na cɔkalɔn bï lööŋ mac week lïk ka we ye akut ka leŋ lööŋ lëu bïk kuat raan kam kun mac. Cëmën na wïc akut dun bë mäktab riɔp/kɔk yic, ka kuat raan akut dun yic a bë ye yeth mac thïn ku thɛny athör ë gäm. Na cë akut ŋɔ̈ŋ ë wëëu riɔp/kɔk yen mäktab yic rin kuat kë bë rot teem, ka raan tɛ̈u riɛn ke athör ë gäm cë thany yic a bë wëëu tääu piny jiɛm de yic. Na wïc akut bë ŋɛŋ nyin ë tɔ̈ɔ̈u bɛŋ yic wälä geei ye kɔ̈u wälä ɣɔɔc kuat kën akut, ka kɔɔc akut kek bë wëëu käny tääu piny wälä tɛkdä ka lëu bï kɔɔc kɛ̈ny keek caal lukic.

Akut wut këc gätpiny ke ye Amada a bë wɛ̈t yök ke ril tɛ̈ wïc yen yeen bë lim wëëu tɛ̈n akuma wälä tɛ̈n aguiɛɛr dɛ̈t. kekädäŋ?, akut cë gätpiny a bë laŋ rin mec kek rin kɔɔc lui akut yic löŋ nyin. Kën, wɛ̈t de yic a ye nyuɔɔth lɔn leŋ yen löŋ tit kɔɔc lui akut yic kɔ̈ɔ̈th tɛ̈ leŋ yen kë wääc. A ye nyuɔɔth lɔn bï wek laŋ lööŋ bäk ke muk nhïïm.

Ŋiëëc tɛ̈ aguiɛɛr gätpiny thïn

A leŋ kä juëëc bï akut dun kaŋ tak yiic kaam këc ke gua gätpiny, gut tɛ̈ lëu wɛ̈r tɛ̈ ye akut dun luui thïn wënthɛɛr. Rin ba kä wïc alɔŋ gɛ̈tpiny deet, ka bë piath të leŋ kɔɔc akut dun yiic raan ŋic thoŋ Nyïŋlïth apath ku të leŋ wek yiic raan käcëgɔ̈t muk nhïïm.

Rin ba të ye akut gätpiny thïn deet, a leŋ lëk dɛ̈t cë gam piiny tɛ̈n. Tɛkdä ka bë we kony të jɛɛm wek kek aguir wuöt kɔ̈k alɔŋ kä keen cë rëët ke nhïïm.

Kaam këc akut dun wël tak yiic alɔŋ gɛ̈tpiny, tɛkdä ka path bäk raan lööŋ/raan wëëu kaŋ thiëëc bë we wɛ̈ɛ̈t.

Lëk Kɔ̈k